Semeıde dárigerlerdiń salaqtyǵy jergilikti turǵynnyń narazylyǵyn týdyrdy
SEMEI. QazAqparat - Semeıde medbıkeniń qateligi ata-analardyń narazylyǵyn týdyrýda. Sebebi, qaladaǵy emhanalardyń biriniń medbıkesi 2 jastaǵy balany gematologqa jiberýdiń ornyna mammolog mamanǵa joldama jazyp bergen, dep habarlaıdy QazAqparat.
Qala turǵyny emhanaǵa 2 jastaǵy balasyna gematolog dárigerge joldama alý úshin kelgen. Alaıda medbıke ony mamologqa jazyp bergen. Bul qatelikti qyzdyń anasy tek dıagnostıkalyq ortalyqqa kelgende biraq-aq kórgen. Sebebi, dárigerler mundaı joldamamen balany qaraýdan bas tartqan.
«Maǵan joldamanyń qate ekenin tirkeý ornyndaǵylar aıtty. Tipti gematolog dárigerge kirip jaǵdaıdy túsindirý úshin de talon bermedi. Sondyqtan emhanaǵa baryp qaıtadan joldama alýǵa týra keldi keldi»,-deıdi qala turǵyny.
Al medbıkeniń jibergen qateligine baılanysty Semeı qalasyndaǵy oblystyq densaýlyq saqtaý basqarmasynyń mamany Janar Seıtqazına jaýap berdi.
«Bul medbıkeniń jumysyna muqııat qaramaýynan bolǵan. Qazir kóptegen jas mamandardyń jumys tájirıbesi az. Sondyqtan osyndaı jaǵdaılar bolyp jatady. Qazir kóp jumys kompıýter arqyly júzege assa da, dárigerler men medbıkeler burynǵydaı qaǵazbastylyqtan arylmaǵan. Munyń da sebebi bar deýge bolady»,-dedi Janar Seıtqazına.
