Semeıde dárigerler dınastııasy daýys berdi

SEMEI. QazAqparat – Semeı qalasynda dárigerler dınastııasy saılaýda daýys berdi, dep habarlaıdy QazAqparat tilshisi.

Búgin elimizde ótip jatqan QR Parlamenti Májilisi jáne túrli deńgeıdegi máslıhattar depýtattary saılaýynda Semeıdegi №22 saılaý ýchaskesinde dárigerler dınastııasy óz tańdaýyn jasady. Yǵıevtar áýletindegi 4 dáriger bir ýaqytta kelip, daýys berdi.

«Biz ár saılaý saıyn otbasymyzben daýys berýdi ádetke aınaldyrdyq. Jubaıym, ulym, qyzym jáne ózim dárigermin. 30 jyldan asa tájirıbem bar. Búgin demalys kúni bolǵandyqtan, otbasymyzben birge kelip daýys berdik. Bul barsha qazaqstandyqtardyń Otan aldyndaǵy mindeti dep oılaımyn»,- deıdi otaǵasy Ǵabıden Yǵıev.

Aıta keteıik, jalpy qala boıynsha 149 saılaý ýchaskesi jumys istep tur. Onyń ishinde 19-y – jabyq saılaý ýchaskesi. Semeıdegi múmkindigi shekteýli jandar da ózderiniń konstıtýtsııalyq quqyqtaryn paıdalanyp, úıde daýys bere alady. Semeı qalasyndaǵy saılaýshylar tizimine 232 myńnan astam adam engizilgen.