Semeıde «Coworking» jáne IT ortalyqtary ashyldy
SEMEI. QazAqparat - Semeı qalasynda «Nur Otannyń» partııalyq jobalaryn iske asyrý aıasynda "Coworking" ortalyǵy jáne IT- ortalyǵy ashyldy, dep habarlaıdy QazAqparat.
Atap aıtqanda, «Qazaqstan kitaphanalary» partııalyq jobasy aıasyndaǵy "Coworking" ortalyǵy Abaı atyndaǵy kitaphana janynan ashyldy.
Jastarǵa óz múmkindikterin tolyq paıdalanyp, ıntellektýaldyq, shyǵarmashylyq qabiletterin damytý maqsatynda ashylyp otyrǵan ortalyq barlyq qajetti ádebıetpen jáne ádistemelik quraldarmen, jıhazdarmen jabdyqtalǵan. Sonymen qatar jastarǵa ınternet jelisin paıdalanyp kezdesýlerdi, semınarlardy, konferentsııalardy ótkizýge tolyq múmkindik jasalǵan.
Saltanatty ashylý rásimine Ánýarbek Muhtarhanov, partııanyń Semeı qalalyq fılıaly tóraǵasynyń birinshi orynbasary Zýlfııa Jamaltdınova, oblystyq jáne qalalyq máslıhat depýtattary, partııa belsendileri jáne jastar qatysty.
«Kovorkıngtiń ashylýy bizdiń jastarymyz úshin óte mańyzdy. Óıtkeni buryn olardyń kópshiligi ózderiniń ıdeıalaryn jınap, talqylaýǵa bolatyn turaqty oryndary bolmady. Bul óz jobalaryn, bastamalary men shyǵarmashylyq ıdeıalaryn iske asyrý úshin qoljetimdi, yńǵaıly aımaq. Kitaphanalardyń jańa formatqa ıe bolýynyń mańyzy zor. Aımaqta ınternet jelisi qoljetimdi, is-sharalarǵa arnalǵan zal, sondaı-aq demalys jáne shyǵarmashylyq aımaqtary bar, jumysqa qajetti barlyq jabdyqtar ortalyqta ornalasqan.
Aıta ketý kerek, bunyń barlyǵy tegin, árbir turǵyn kelýi múmkin», - dedi Shyǵys Qazaqstan oblystyq fılıaly tóraǵasynyń birinshi orynbasary Ánýarbek Muhtarhanuly.
Sondaı-aq, Semeı qalasynyń elektrotehnıkalyq kolledji bazasynda bilikti mamandardy daıarlaý úshin sońǵy aqparattyq tehnologııalarmen jabdyqtalǵan jańa IT- ortalyǵy ashyldy. Jobanyń qatysýshylary tsıfrlyq daǵdylar men zamanaýı baǵdarlama jasaýǵa oqytylatyn bolady. Bul sharalar qalanyń jumyspen qamtý ortalyqtarymen birlesip qurylady.
Іs-shara aıasynda IT- ortalyǵy aıasynda birlese jumys atqarý maqsatynda Shyǵys Qazaqstan oblysynyń jumyspen qamtý jáne áleýmettik baǵdarlamalardy úılestirý basqarmasy, Shyǵys Qazaqstan oblysynyń bilim berý basqarmasy jáne Semeı qalasynyń elektrotehnıkalyq kolledji aralarynda úsh jaqty kelisimge qol qoıyldy.
