Semeıde byltyr joǵalǵan er adamnyń denesi tabyldy
SEMEI. QazAqparat – Semeı qalasynda 2021 jyldyń qazan aıynda joǵalyp ketken er adamnyń denesi tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 38 jastaǵy azamat ótken jyldyń qazan aıynyń 27-i kúni Dekarotıvnaıa kóshesindegi úıinen belgisiz baǵytta shyǵyp, sol kúıi habar-osharsyz ketken. Kóp uzamaı polıtsııaǵa onyń áıeli habarlasty.
Jedel izdestirý sharalaryna tártip saqshylary men volonterler jumyldyrylǵan. Alaıda er adamdy tabý múmkin bolmady.
«2022 jyldyń 30 sáýirinde joǵalǵan azamattyń denesi Ertisten 500 metr qashyqtyqtaǵy «Beıbitshilik» aralynan tabyldy. Qazirgi ýaqytta polıtseıler onyń óliminiń mán-jaıyn anyqtap jatyr», - delingen habarlamada.
Esterińizge sala ketsek, osyǵan deıin Óskemende kópqabatty úıdiń balkonynan 3 jasar bala qulap ketkenin habarlaǵan edik.
