Semeıde byltyr kúzde joǵalyp ketken qyzdyń denesi Ertis ózeninen tabyldy
SEMEI. QazAqparat – Semeı qalasynda byltyr kúzde joǵalyp ketken qyzdyń denesi Ertis ózeninen tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 17 jastaǵy qyz osydan 5 aı buryn joǵalyp ketken.
Polıtsııaǵa habarlasqan Semeı qalasynyń turǵyny dalaǵa serýendep kelý úshin shyqqan balasynyń sol kúıi habar-osharsyz ekendigin jetkizgen edi. Ony izdeýge polıtsııa qyzmetkerleri, áskerıler men eriktiler jumyldyrylǵan.
«Keıin anyqtalǵandaı, qyzdy 19 jastaǵy jigiti óltirip, máıitti Ertis ózenine laqtyryp jibergen. Er adam óz kinásin moıyndady. Osydan soń Mırnyı kentiniń mańyndaǵy ózen boıynda marqumnyń denesin izdestirý jumystary júrgizildi», - delingen aqparatta.
Qazirgi ýaqytta qyzdyń denesi tabyldy. QR QK-niń 99-baby (Adam óltirý) boıynsha sotqa deıingi tergeý amaldary jalǵasýda. Kúdikti qamaýǵa alynǵan.
Esterińizge sala ketsek, osyǵan deıin ShQO-da bazarda joǵalyp ketken 5 jasar qyzdyń tabylǵandyǵyn habarlaǵan edik.
