Semeıde buryn sottalǵan azamattyń zańsyz saqtaǵan qarýy alyndy
SEMEI. QazAqparat – «Quqyqtyq tártip» jedel-profılaktıkalyq sharasynyń aıasynda Semeı qalasyn polıtsııa basqarmasynyń ortalyq polıtsııa bólimshesiniń qyzmetkerleri buryn sottalǵan 40 jastaǵy er adam úıinde atys qarýyn saqtaıtyny týraly derek aldy, dep habarlaıdy QazAqparat Shyǵys Qazaqstan oblysy Polıtsııa departamentiniń baspasóz qyzmetine silteme jasap.
Polıtsııa qyzmetkerleri turǵylyqty mekenjaı boıynsha tintý kezinde qarýdy tapty. Ol krımınalıstik zertteýdiń qorytyndysyna sáıkes, «OSA» uńǵysyz keshenge jatatyn, kópbeıindi azamattyq atys qarýy bolyp tabylady jáne belsendi qorǵanysqa, belgi berýge, aımaqty jaryqtandyrýǵa arnalǵan, sondaı-aq oq atýǵa jaramdy.
QR QK-niń 287 baby 2 bóligine sáıkes (Qarýdy, oq-dárilerdi zańsyz saqtaý) sotqa deıingi tergeý amaldary júrgizilip jatyr.
Dál sol kúni Altaı aýdandyq polıtsııa bóliminiń jedel toby 31 jastaǵy er adamnan tegis uńǵyly sholaq myltyqty taýyp aldy.
Sotqa deıingi tergeý amaldary júrgizilip jatyr.
