Semeıde búlikshilerdiń polıtseılerge jasaǵan shabýylynyń vıdeosy jarııalandy
ShQO Polıtsııa departamenti Semeıde jappaı tártipsizdikterge qatysýshylardyń zańsyz áreketteri kórsetilgen vıdeo jarııalady.
«Bul vıdeotoptama 5 qańtardaǵy beınebaqylaý júıelerindegi jáne áleýmettik jelilerdegi materıaldardan jasaldy. Onda júzdegen agressıvti adamnyń tártipsizdikteri, tonaý jáne basqa da zańsyz áreketterdiń jolyn kesýge jumyldyrylǵan polıtsııa qyzmetkerleri men áskerı qyzmetshilerge birneshe ret shabýyl jasap, uryp-soqqany kórsetilgen. Saqshylar qaladaǵy quqyqtyq tártipti qorǵap, zańsyzdyqqa qarsy áreket etti», - dep habarlady departamenttiń baspasóz qyzmetinen.
Terrorıstik shabýyldardyń jolyn kesý jáne memlekettik organdardyń ákimshilik ǵımarattaryna jasalǵan qarýly shabýyldarǵa toıtarys berý kezinde 128 polıtseı men Ulttyq ulannyń 19 áskerı qyzmetshisi jaraqat alǵan.
