Semeıde botanıkalyq baq pen jas jubaılar alleıasy salynady

SEMEI. QazAqparat – Semeı qalasynda botanıkalyq baq pen jas jubaılar alleıasy salynady. Bul týraly Abaı oblysynyń tabıǵı resýrstar jáne tabıǵatty paıdalanýdy retteý basqarmasy basshysynyń mindetin ýaqytsha atqarýshy Danııar Toqtybaev málim etti, dep habarlaıdy QazAqparat tilshisi.

Ákimdik aqparaty boıynsha, botanıkalyq baq jáne alleıa salý sheshimi Semeı qalasyn kógaldandyrý máseleleri jónindegi jumys tobynyń otyrysynda maquldanǵan.

«Semeı qalasyn kógaldandyrý máseleleri jónindegi jumys tobynyń alǵashqy otyrysy qala jáne oblys jurtshylyǵynyń qatysýymen ótti. Otyrysta Abaı oblysynyń jasyl jelekterin kútip ustaý jáne qorǵaý erejeleri jobasynyń birinshi tujyrymdamasy da qaraldy. Ol boıynsha salalyq mamandar tarapynan usynystar engizildi. Kelisý rásimderinen ótkennen keıin atalǵan qaǵıdalardyń jobasy «Ashyq NQA» portalynda ornalastyrylatyn bolady.

Sondaı-aq jumys tobynyń músheleri qala aýmaqtaryn abattandyrýdyń zamanaýı tásilderin qoldana otyryp, gúlzarlardy ornalastyrý tujyrymdamasyn ázirleýdi sheshti», - delingen Abaı oblysy ákimdiginiń Telegram-arnasynda.

Buǵan deıin Semeı qalasyndaǵy aspaly kópirdiń astyna strıt-art, skeıt-park jáne parkýr men vorkaýt sport alańdary bar jańa qoǵamdyq demalys orny boı kóteretinin jazǵan edik.