Semeıde bokstan Qazaqstan chempıonaty ótedi
ASTANA. KAZINFORM - Semeı qalasyndaǵy Abai Arena sport kesheninde 14-21 qazan aralyǵynda bokstan erler men áıelder arasynda Qazaqstan chempıonaty ótedi.
Qazaqstan Ulttyq Olımpıada komıtetiniń habarlaýynsha, bıyl birinshilikke elimizdiń 20 óńirinen 371 sportshy qatysady.
El birinshiliginiń jerebesi búgin, 14 qazanda tartylady. Al saltanatty ashylý rásimi 15 qazanǵa josparlanǵan. Fınaldyq kezdesýler 21 qazanda ótedi.
Aıta keteıik, chempıonat qorytyndysy boıynsha 2026 jylǵa arnalǵan ulttyq qurama jasaqtalady.
El birinshiliginde erler arasynda 50, 55, 60, 65, 70, 75, 80, 85, 90, 90 keliden joǵary salmaqta júldeler sarapqa alynady.
Al áıelder arasynda boksshylar 48, 51, 54, 57, 60, 65, 70, 75, 80, 80 keliden joǵary salmaqta synǵa túsedi.
El birinshiligi «Qazsport» telearnasynan tikeleı efırde kórsetiledi.
Eske salsaq, bokstan Qazaqstan uldar quramasy Ázirbaıjannyń Evlah qalasynda ótken lll TMD elderi oıyndarynda barlyǵy 7 júlde oljalady.