Semeıde bıyl 60 shaqyrymnan astam jol jóndeledi
SEMEI. QazAqparat – Semeı qalasynda osy jyly 60 shaqyrymnan astam jol jóndelip, 50 jolǵa oń jaq burylys jasalady, dep habarlaıdy QazAqparat tilshisi.
ShQO ákimdiginiń málimetine súıensek, Semeıde jol jóndeý jumystary bastaldy.
«Bıyl 60 shaqyrymnan astam jol ortasha jóndeýden ótedi. Sondaı-aq qala joldarynda 50 oń jaq burylys jasalady. Qazirgi basty mindetterdiń biri – kólik kópirin rekonstrýktsııalaý bolyp otyr», - deıdi aımaq basshysy Danıal Ahmetov.
Onyń aıtýynsha, búginde Semeıdegi sý jelisi qaıta jańǵyrtylyp, 17 qazandyq jóndeýden ótkizilip jatyr.
Sońǵy 3 jylda qaladaǵy kólik-logıstıkalyq ınfraqurylymdy jaqsartýǵa 11 mlrd teńgeden astam qarajat jumyldyrylǵan.
Esterińizge sala ketsek, osyǵan deıin Semeıde «Sergek» kameralary maýsym aıynda iske qosylatyndyǵyn habarlaǵan edik.
