Semeıde bıyl 6 mektep kúrdeli jóndeýden ótedi
Bul jaıly qalalyq bilim bólimi basshysynyń orynbasary Gúlnur Terebaeva málim etti.
«Bıyl 6 mektepti kúrdeli jóndeýden ótkizý josparlanǵan. Bul maqsatta 325 mln teńge bólindi. Sondaı-aq 33 bilim ordasyna aǵymdaǵy jóndeý jumystaryn júrgizý kózdelip otyr. Shahardaǵy mektepterdiń materıaldyq-tehnıkalyq bazasy jyl saıyn nyǵaıyp keledi», - dedi ol.
Budan bólek, 24 mektepke jıhaz satyp alýǵa 563 mln teńge bólindi. Jan basyna qarjylandyrý júıesi engizilgeli beri mektepterdegi kabınetter qarqyndy túrde jańartylýda.
«Búginde 50 kabınet zamanaýı talaptarǵa sáıkes jańartyldy. Onyń ishinde 16 jańa modıfıkatsııa kabıneti, 13 eńbek, 4 matematıka, 4 geografııa jáne 12 basqa pánder kabınetteri bar», - dedi Gúlnur Terebaeva.
Onyń aıtýynsha, barlyq bilim ordasyna dabyl tetigi ornatylǵan. Al 42 mektep arnaıy kúzet kelisim-shartyn jasasty.