Semeıde bıyl 400 myń sharshy metrden astam turǵyn úı salý josparlanýda

SEMEI. QazAqparat – Semeı qalasynda osy jyly 400 myń sharshy metrden astam turǵyn úı salý josparlanyp otyr, dep habarlaıdy QazAqparat tilshisi.

Bul týraly aımaqtyq kommýnıkatsııalar qyzmetinde ótken baspasóz máslıhaty barysynda qalalyq Qurylys bólimi basshysynyń mindetin atqarýshy Salııa Jumabaeva málimdedi.

«2022 jyly qarjylandyrýdyń barlyq kózderinen 57,8 mlrd teńge bolatyn 4 716 páter salynbaq. Turǵyn úıdiń jalpy aýdany 417,1 myń sharshy metrdi quraıdy. Jyl sońyna deıin 256 myń sharshy metr úı paıdalanýǵa beriledi dep kútilýde. Sondaı-aq bıyl memlekettik turǵyn úı qorynan baspana kezeginde turǵandar úshin Qaraǵaıly yqsham aýdanynan 128 jaldamaly páter beriledi. Onyń ishinde 32 kópbalaly otbasy, 71 áleýmettik turǵyda osal toptaǵylar, 25 jetim bala bar», - dedi Salııa Jumabaeva.

Budan bólek, Semeıde «Birqabatty Shyǵys» baǵdarlamasy aıasynda 28 jer úı boı kótermek.