Semeıde bıyl 28 kóshege asfalt tóseldi
Shahar boıynsha joldardy asfalttaý jumystary jalǵasýda. Jyl basynan beri 28 kóshege asfalt tóselip, 40-qa jýyq kóshede greıderleý jumystary júrgizilgen. Qala ákimi Baqytjan Baıahmetovtyń aıtýynsha, bul kósheler kelesi jyly asfalttalmaq.
«Qazir Vodnyı kentindegi avtobýstyń sońǵy aıaldamasyna aparatyn joldy jóndeý aıaqtaldy. Jol rettelgen kezde qoǵamdyq kólik qozǵalysy turaqtanady. Sondaı-aq munda №34 mekteptiń aldyna balalar alańy men qorshalǵan shaǵyn fýtbol alańyn ornatý jumystary bitýge shaq qaldy. Bul jerge men shilde aıynyń basynda, qala ákimi retinde jumysqa kiriskennen keıin birneshe kún ótken soń kelgen edim. Esimde, barlyǵy shóp ósip ketken bos jer edi», - dedi ol.
Ákimniń sózinshe, osymen kentti abattandyrý jumystary aıaqtalmaıdy.
«Jergilikti turǵyndar maǵan joldy tegisteý, aǵash butaqtaryn kesý jáne kóshet otyrǵyzýdy qajet etetin basqa ýchaskelerdi kórsetti. Osy jumystar da mindetti túrde qolǵa alynatyn bolady», - dedi Baqytjan Baıahmetov.
