Semeıde birlik merekesine oraı tegin qymyz taratyldy
SEMEI. QazAqparat - Semeıde Qazaqstan halqynyń Birligi kúni jańa formatta atalyp ótti.
Aýa raıynyń qolaısyzdyǵyna qaramastan tuńǵysh ret «Beıbitshilik aralynda» ótkizilgen sharaǵa 5 myńǵa jýyq turǵyn keldi. Bul týraly QazAqparat Semeı aqparattyq ortalyǵyna silteme jasap habarlaıdy.
Rekreatsııalyq alańdarda jáne álem stellasynda kontserttik baǵdarlamalar, halyq oıyndary, sporttyq jarystar, sondaı-aq dıasporalardyń mádenıeti men dástúri týraly baıandaıtyn etnomádenı birlestikterdiń kórmesi uıymdastyryldy.
Búginde Semeıde 80-nen asa ult pen ulys ókilderin biriktiretin Dostyq úıi jumys isteıdi. Ol shańyraqtyń astynda 22 ulttyq etnomádenı ortalyq bar.
Merekelik shara barysynda qala turǵyndary án aıtyp, memorıaldyq keshenge jaqyn jerde aqyndar aıtysyn tamashalady. Etnomádenı ortalyqtar qala turǵyndary men qonaqtaryna ózderiniń ulttyq taǵamdaryn usynyp, merekege 200 lıtr qymyz ákeldi.
«Qazaqstan halqynyń birligi kúni biz úshin eń basty mereke. Bul bizdiń birlestiktiń merekesi. Qazaqstanda turatyn barlyq nemister jaqsy ómir súredi, bizge eshqaıda ketýdiń qajeti joq»,- dedi «Vozrojdenıe» nemis qoǵamdyq birlestiginiń tóraǵasy Lılııa Goncharýk.
Sonymen qatar, álem stellasynda jas sýretshilerge arnalǵan alań uıymdastyryldy.
