Semeıde bireýdiń kóligin aıdap ketip, keıin órtep jibergen er adam ustaldy
ShQO Polıtsııa departamenti baspasóz qyzmetiniń málimetine súıensek, «102» jedel arnasyna habarlasqan 29 jastaǵy azamat 5-8 naýryz aralyǵynda úı aýlasynda turǵan «VAZ» kóligin belgisiz bireýdiń aıdap ketkenin aıtqan. Osynyń saldarynan keltirilgen materıaldyq shyǵyn 1 600 000 teńgeni qurady.
«Patrýldik polıtsııa qyzmetkerleri birden «Tosqaýyl» josparyn jarııalady. Kóp uzamaı Áýezov polıtsııa bólimine beıtanys er adamnyń 3 kólikti órtep jibergeni týraly habar túsken. Tártip saqshylary jedel-izdestirý sharalaryn júrgizip, 24 jastaǵy kúdiktini ustady. Tergeý kezinde anyqtalǵandaı, jergilikti turǵyn avtokólikti aıdap ketip, úsh kólikti qasaqana órtep jibergen. Kúdikti óz kinásin moıyndap otyr. Tıisti saraptama jumystary taǵaıyndaldy», - dedi ShQO PD bastyǵy Saǵat M2dıev.
Qazirgi ýaqytta atalǵan fakti boıynsha QR QK 200-baby 1-bóligimen jáne 202-baby 2-bóligimen sotqa deıingi tergeý amaldary júrgizilýde.