Semeıde bir sheti opyrylyp túsken kópir jóndelip jatyr
SEMEI. QazAqparat – Semeı qalasynda bir sheti opyrylyp túsken kópirde jóndelip jatyr, dep habarlaıdy QazAqparat tilshisi.
Kópirdiń jaıaý júrginshilerge arnalǵan bóliginde plıta ornynan qozǵalyp ketken. Osyǵan oraı kópirdiń jaǵdaıyn almatylyq «TEKA Proekt» fırmasynyń mamandary tekserdi. Mamandardyń qorytyndysy boıynsha, avtokólik qozǵalysyna áser etetin aıtarlyqtaı kedergi joq.
«Qazir plıtasy opyrylyp túsken jerge jóndeý jumystary júrgizilýde. Sodan keıin metall tósenish tóseledi. «TEKA Proekt» JShS-nyń jetekshi ınjenerleri kópirdiń eki jaǵyndaǵy jaıaý júrginshiler jolyna tolyqtaı zertteý júrgizdi. Joldyń oń jaǵynda taǵy bir problemalyq ýchaske anyqtaldy. Ondaǵy plıta ornynan sál qısaıǵan. Sol jer de jóndeýden ótedi», - dedi qalalyq Jolaýshylar tasymaly jáne avtomobıl joldary bólimi basshysynyń orynbasary Nurlan Serǵazınov.
Onyń aıtýynsha, aldaǵy demalys kúnderinde kópirde kólik jáne jaıaý júrginshiler qozǵalysy jandandanady dep otyr.
Esterińizge sala ketsek, osyǵan deıin Semeıde eski kópirdiń bir sheti opyrylyp ketkeni habarlanǵan.
