Semeıde bir kúnde 443 zań buzý deregi tirkeldi
SEMEI. QazAqparat - Semeıde bir kúnde 443 əkimshilik quqyqbuzýshylyq tirkeldi. Taǵy buryn jasalǵan 6 qylmystyń beti ashyldy. Bul «Quqyqtyq tártip» aldyn alý sharasy aıasynda múmkin boldy, dep habarlaıdy QazAqparat.
«Sharanyń birinshi kúninde 443 ákimshilik quqyqbuzýshylyq, onyń ishinde usaq buzaqylyq 51 fakti, qoǵamdyq oryndarǵa masań kúıde kelý 77 fakti, QR turý erejesin buzý 45 fakti anyqtaldy, kólik quralyn basqarý kezinde júrgizýshiniń telefondy paıdalanǵany úshin 32 hattama toltyryldy. Barlyq faktiler boıynsha kináli tulǵalar ákimshilik jaýapkershilikke tartyldy», - delingen qalalyq polıtsııa basqarmasy taratqan məlimette.
Sonymen birge, Semeı qalasy PB kóshi-qon qyzmeti bóliminiń qyzmetkerleri Qazaqstan Respýblıkasynyń kóshi-qon zańnamasyn buzǵany azamat ústinen 12 hattama toltyrdy.
Sondaı-aq krımınaldyq polıtsııa qyzmetkerleri buryn jasalǵan 6 qylmysty ashty. Tyıym salynǵan zatty zańsyz saqtaǵany jáne alyp júrgeni úshin 3 adam ustaldy. Onyń biri zańsyz esirtki saqtaǵan 61 jastaǵy qala turǵyny. Ol 46,33 gr marıhýanamen ustaldy. Jəne «Ertis» beketinde polıtsııa qyzmetkerlerimen 1969 jyly týǵan azamat basqarǵan «Lada granta» kóliginen aǵash qarý tárkelendi. Saraptama qorytyndysyna sáıkes sýyq qarý retinde tanylǵan. Osy fakti boıynsha QR QK 287-baby 1-bóligi boıynsha sotqa deıingi tergeý amaldary júrip jatyr.
