Semeıde bir kúnde 4 úıde órt shyqty
SEMEI. QazAqparat – Semeı qalasynda ótken táýlikte 4 úıde órt shyqty, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 9 qarasha kúni saǵat 10.02-de Bobrovka kentindegi jeke turǵyn úıdiń shatyry otqa oranǵan. Oqıǵa ornyna shuǵyl kelip jetken órt sóndirýshiler kóp uzamaı tilsiz jaýdy tolyqtaı aýyzdyqtady. Aldyn ala málimet boıynsha órttiń shyǵýyna – peshti ornatý jáne paıdalaný kezinde qaýipsizdik talaptarynyń saqtalmaýy sebep bolǵan.
«Dál osyndaı sebeppen Charskaıa kóshesinde órt shyqty. Jer úıdiń tórgi bólmesin, jıhaz ben jeke zattardy sharpyǵan jalynnyń jalpy aýdany 5 sharshy metrdi qurady. Úshinshi órt Berezovaıa kóshesinde boldy. Jeke turǵyn úıdiń aýlasynda jalpy aýdany 50 sharshy metrge jetetin sharýashylyq qora-jaıdyń aǵash qurylymdary janǵan», - delingen aqparatta.
Tórtinshi órt Prjevalskıı kóshesinde tirkelgen. Saǵat 21.25 shamasynda jer úıdiń shatyry, terezesi, esik bloktary men jıhaz órtendi. Tilsiz jaýdyń jalpy aýdany – 138 sharshy metrdi quraǵan.
