Semeıde bir apta ishinde 200-den astam adamǵa vaktsına salynbaq
SEMEI. QazAqparat – Semeı qalasynda bir apta ishinde 215 adamǵa vaktsına salý josparlanyp otyr, dep habarlaıdy QazAqparat tilshisi.
Shahardaǵy perınataldyq ortalyqtyń jansaqtaý bóliminiń qyzmetkerleri koronavırýs ınfektsııasyna qarsy ekpe aldy.
«Pandemııa tez aıaqtalyp, qalypty ómir saltyna tezirek oralý úshin vaktsına saldyrýymyz qajet. Vırýsqa qarsy vaktsınatsııalanǵan adam basqalarǵa qaýip tóndirmeıdi. Sondyqtan jerlesterimdi vaktsına alýǵa shaqyramyn», - deıdi ortalyq qyzmetkeri Іńkár Shohatova.
Eki komponentti vaktsınanyń birinshi dozasyn alǵannan keıin, ekinshisin 21 kúnnen keıin saldyrý kerek. Eger aldaǵy úsh aptada sozylmaly aýrýlar órship ketpese jáne densaýlyq jaǵdaıy nasharlamasa, onda vaktsınatsııanyń ekinshi kezeńi bolady.
Qala boıynsha alǵashqy ekpeni ShQO Densaýlyq saqtaý basqarmasy basshysynyń orynbasary Dýman Berikuly alǵan.
«Semeı qalasynda alǵashqylardyń biri bolyp osy vaktsınany ózim aldym. Ózimdi burynǵydaı jaqsy sezinemin. Emhanada barlyq jaǵdaı jasalǵan. Dáriger kelýshilerdiń jalpy jaǵdaıyn tekserip baryp qana vaktsınatsııalaýǵa bola ma, joq pa sony sheshedi», - dedi Dýman Berikuly.
Aıta keteıik, qalaǵa barlyǵy 650 doza vaktsına kelip túsken. Bir apta ishinde 215 adamǵa egpe salý josparlanýda.
Esterińizge sala ketsek, osyǵan deıin Shyǵys Qazaqstanǵa koronavırýsqa qarsy vaktsınanyń 1300 dozasy jetkizilgeni habarlanǵan.
