Semeıde bir apta ishinde 16 toı ótkizilgeni anyqtaldy
Qalalyq polıtsııa basqarmasy baspasóz qyzmetiniń málimetine súıensek, 4-10 tamyz aralyǵynda tártip saqshylary monıtorıngtik top múshelerimen birge karantın talaptaryn buzýdyń birneshe faktisin tirkedi. Jalpy shahar boıynsha 65 iri qoǵamdyq tamaqtaný orny tekserilgen.
«7 kún ishinde óńirdiń Bas memlekettik sanıtarlyq dárigeri bekitken shekteý sharalaryn buzýdyń 33 faktisi anyqtaldy. Naqty aıtqanda, 16 úılený toıy, 8 as berý, 5 mereıtoı jáne 1 neke qııý rásimi tirkelgen. Sondaı-aq 1 obekt kelýshilerdi «Ashyq» jobasy arqyly teksermeı kirgize berse, endi birinde maska rejımi saqtalmady», - dep habarlady vedomstvo ókilderi.
Máselen, keshe Qarjaýbaıuly kóshesindegi meıramhanalardyń birinde ótip jatqan toı toqtatyldy. Toıǵa 100-den astam adam qatysqan.
