Semeıde bet-álpetti taný júıesi bar beınebaqylaý júıesi engizildi

ASTANA. KAZINFORM — Abaı oblysynda bet-álpetti taný fýnktsııasy bar beınebaqylaý júıesi iske qosyldy, dep habarlaıdy oblystyq PD baspasóz qyzmeti.

Vedomstvo málimetinshe, bul sheshim — beınebaqylaý jáne vıdeoanalıtıkaǵa arnalǵan ámbebap platforma, ol kameradan túsetin beıneaǵyndy óńdep, jasandy ıntellekt algorıtmderin qoldana otyryp taldaıdy. Júıe iske qosylǵannan beri onyń múmkindikteri izdeýde júrgen tulǵalardy anyqtaýǵa kómektesken jaǵdaılar tirkeldi.

— Qazirgi tańda Semeıde qoǵamdyq oryndarda jáne jeke oıyn-saýyq mekemelerinde 80 kamera ornatylǵan. Jobany damytý jumystary jalǵasýda: bolashaqta kameralar jelisin kezeń-kezeńimen keńeıtý josparlanyp otyr, bul turǵyndardyń qaýipsizdik deńgeıin arttyrýǵa jáne quqyqbuzýshylyqtarǵa jedel áreket etýge múmkindik beredi. Bıyl jyldyń sońyna deıin bul joba Aıagóz aýdanynda ornatylatyn bolady, — delingen habarlamada.

Zamanaýı tehnologııalardy qoldaný quqyqbuzýshylyqtardyń aldyn alýǵa jáne quqyqtyq tártipti nyǵaıtýǵa baǵyttalǵan. 

Osydan buryn Abaı oblysynda qyzmettik ıtterdiń kómegimen 28 qylmys ashylǵanyn jazǵanbyz.