Semeıde besqabatty úıden órt shyǵyp, 60 adam evaýatsııalandy
SEMEI. QazAqparat – Semeı qalasynda órt shyqqan besqabatty úıden 2 adam qutqarylyp, 60 adam evaýatsııalandy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 27 naýryz kúni saǵat 19:18-de Pervyı mıkroraıon kóshesinde ornalasqan besqabatty turǵyn úıdegi páterden órt shyqqan.
«Órt sóndirýshiler kelip jetken kezde besinshi qabattaǵy páterde jıhaz ben zattar janyp jatqan. Birinshi kezekte qutqarýshylar 1946 jyly týǵan úı ıesin syrtqa shyǵardy. Qart kisi ıis tııý belgilerimen aýrýhanaǵa jatqyzylǵan. Sondaı-aq órt sóndirýshiler onyń 1938 jyly týǵan jubaıyn tútin tumshalaǵan bólmeden alyp shyqty. Budan bólek, kópqabatty úıden 60 adam evakýatsııalandy. Onyń 20-sy bala», - delingen vedomstvo habarlamasynda.
Órtti sóndirýge jeke quramnan 17 adam men 4 tehnıka jumyldyrylǵan. Tilsiz jaý saǵat 19:43-te tolyqtaı aýyzdyqtaldy. Órttiń shyǵý sebebi - temeki shegý kezindegi abaısyzdyq bolýy múmkin.
Osy rette, TJD mamandary temeki shegý kezindegi qaýipsizdik erejelerin saqtamaýdyń jazataıym oqıǵalarǵa sebepker bolatyndyǵyn eskertedi. Órt shyqqan jaǵdaıda dereý «101» nemese «112» nómirlerine habarlasý qajet.
