Semeıde bes jasar bala tórtinshi qabattan qulap ketti
SEMEI. QazAqparat - Semeıde bes jasar bala tórtinshi qabattyń terezesinen qulap ketti, dep habarlaıdy QazAqparat qalalyq TJB-ǵa silteme jasap.
Oqıǵa Janasemeı, 33 kóshesindegi kópqabatty úılerdiń birinde bolǵan. Qalalyq qutqarý qyzmetine páterdiń terezesinen bala qulady degen habar túsken.
Ata-ananyń qaraýynsyz qalǵan bala úıdiń astynda ornalasqan dúkenniń mańdaıshasyna qulaǵany anyqtaldy.
«Bala jabyq bas súıek-mı jaraqatyn alyp, mıy shaıqalǵan. Qalalyq balalar aýrýhanasyna jetkizildi», delingen habarlamada.
Eske salaıyq, Semeıde 2017 jyl ishinde 3 bala terezeden qulap, zardap shekken. Barlyǵy aýyr jáne ortasha jaraqattarmen aýrýhanaǵa jatqyzylǵan. Adam ólimi tirkelmedi.
