Semeıde bes adamnan para alǵan sheneýnik sottaldy

SEMEI. KAZINFORM — Semeı qalasynda bes adamnan para alǵan aýyl sharýashylyǵy bólimi basshysynyń mindetin atqarýshy sottaldy.

Qalalyq № 2 sotynda para alǵan memlekettik qyzmetker men para bergen 5 adamǵa qatysty qylmystyq is qaraldy. 

— Semeı qalasynyń aýyl sharýashylyǵy bólimi basshysynyń mindet atqarýshy qujattardy jedeldetip resimdegeni, júrgizýshi kýáligin aýystyrý boıynsha memlekettik qyzmet kórsetýge, avtokóliktiń sándi nómirin alýǵa járdemdeskeni úshin bes adamnan 4 myń teńgeden 25 myń teńgege deıingi aralyqta para alǵan. Aıyptalýshylar óz kinásin tolyqtaı moıyndady. Olardyń kinási jasyryn tergeý áreketterimen, banktik shot úzindi kóshirmesimen jáne qujattardy qaraý hattamalarymen dáleldendi, — dep habarlady sottyń baspasóz qyzmeti.

Para alǵan memlekettik qyzmetker QR QK-niń 366-baby 3-bóligi 4-tarmaǵy boıynsha kináli dep tanylyp, 2,9 mln teńge aıyppul tóleýge mindetteldi.

Sonymen qatar ol memlekettik qyzmette jumys isteý quqyǵynan ómir boıyna aıyryldy.

Al para berýshiler 60 myńnan 375 myń teńgege deıin aıyppul tóleıdi.

Úkim áli zańdy kúshine engen joq.