Semeıde belgisiz bireý oqýshy qyzdy urlap ketpek boldy

SEMEI. QazAqparat – Semeı qalasynda belgisiz bireý oqýshy qyzdy urlap ketpek boldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, oqıǵa Semeıdegi Vostochnyı kentinde bolǵan. Belgisiz bireý oqýshyny urlap ketpek bolǵanda sol mańda júrgen er adamdardyń biri kómekke kelip úlgerdi.

Al qaskóı avtobýsqa minip, iz sýytqan. Polıtsııa qyzmetkerleri qazir onyń kim ekenin anyqtap jatyr.

«Atalǵan fakti Semeı qalasynyń Ortalyq polıtsııa bóliminde tirkeýge alyndy. Búginde er adamnyń kim ekenin jáne is boıynsha barlyq mán-jaıdy anyqtaý úshin jedel-izdestirý sharalary júrgizilip jatyr. QR Qylmystyq is júrgizý kodeksiniń 201-baby 1-bóligine sáıkes ózge aqparattar jarııa etilmeıdi», - delingen aqparatta.