Semeıde basqa eldiń aktsızdik tańbalary bar temeki saýdalanǵan
NUR-SULTAN. QazAqparat - Semeıde basqa eldiń aktsızdik tańbalary bar temeki men sapasyz ishimdik satylyp kelgen. Bul týraly QR Qarjy mınıstrligi Memlekettik kirister komıtetinen málim boldy, dep habarlaıdy QazAqparat tilishisi.
«Zańsyz taýardy búgin Semeı qalasy boıynsha memlekettik kirister basqarmasynyń qyzmetkerleri anyqtady. Shýgaev kóshesinde ornalasqan dúkende Qyrǵyz Respýblıkasynyń aktsızdik tańbalarymen jáne aktsızdik tańbalary joq jalpy 1 180 qorap temeki ónimderin satý úshin saqtaǵandyǵy anyqtady. Sonymen qatar, osy dúken qoımasynan 5 lıtrlik plastıkalyq bótelkede quramynda adkogoli bar suıyqtyq tabyldy, jalpy kólemi 350 lıtrdi quraıtyn 70 plastıkalyq bótelkege quıylǵan», - delingen habarlamada.
Osy oraıda, vedomstvo ókilderi atalǵan fakti boıynsha aıypty adamdarǵa qatysty Qazaqstan Respýblıkasynyń zańnamasyna sáıkes ákimshilik sharalar qoldanylatynyn málim etti.
