Semeıde balasyna 5 mln teńge alıment tólemegen er adam sottaldy
SEMEI. KAZINFORM – Semeı qalasynda uzaq ýaqyt boıy balasyna alıment tólemeı kelgen er adam 1 jylǵa bas bostandyǵynan shekteldi.
Abaı oblysynda kámeletke tolmaǵan balasyna alımentti óndirý týraly sot sheshimin uzaq ýaqyt oryndamaǵan Semeı qalasynyń 38 jastaǵy turǵynyna qatysty qylmystyq is boıynsha tergep-tekserý aıaqtaldy.
– Sot aktisine sáıkes, er adamnan aı saıyn tabysynyń 1/4 bóligi kóleminde alıment óndirý belgilengen. Alaıda ol bul mindettemelerdi oryndamaı keldi. 2020 jyldan bergi qaryz somasy 4 911 189 teńgeni qurady. Onyń áreketi Balalaryn kútip-baǵýǵa arnalǵan qarajatty tóleý jónindegi mindetterdi oryndamaý» babyna sáıkes saralandy, - dep habarlady oblystyq polıtsııa departamentinen.
Sot aıyptalýshyny 1 jyl merzimge bas bostandyǵyn shekteý jazasyna tartyp, probatsııalyq baqylaý belgiledi. Sondaı-aq ol balasyna alıment tóleýge mindetteldi.
Turaqty jumysy bolmaǵan jaǵdaıda, sottalýshy jyl saıyn 100 saǵat kóleminde májbúrli eńbekke tartylady.
Eske salsaq, osyǵan deıin Shymkentte alıment tólemegen 119 adam ákimshilik jaýapkershilikke tartylǵany habarlanǵan.
