Semeıde balalar úıiniń túlekteri men kópbalaly otbasylar baspana aldy
Turǵyn úı Qaraǵaıly jańa shaǵynaýdanynda salynǵan. Qonys ıelerine kiltterdi Shyǵys Qazaqstan oblysynyń ákimi Danıal Ahmetov tabys etti.
Semeı qalasynyń aqparattyq ortalyǵynan málim etkendeı, baspana balalar úıiniń 27 túlegine jáne kópbalaly 23 otbasyna berildi.
«Sizderdi Qazaqstan Respýblıkasynyń Tuńǵysh Prezıdenti kúnimen quttyqtaımyn! Bul kúndi elimiz úshin úlken maqtanyshpen atap ótemiz. Búgin sizderge jaıly ómir súrý úshin barlyq jaǵdaı jasalǵan osy tamasha shaǵynaýdandaǵy páterlerdiń kiltterin tabystaımyz. Jaqynda munda álemdik deńgeıdegi mádenı-sport kesheni ashylady. Balalaryńyz sportpen shuǵyldanýǵa tamasha múmkindik alady», - dedi Danıal Ahmetov.
Baspana alǵandardyń arasynda kópbalaly ana Gúljahar Qonyspaeva bar. Ol alty balany tárbıeleýde, aldaǵy jyly otbasynda taǵy bir bala dúnıege keledi.
«Men oblys jáne qala ákimdigine rızashylyǵymdy bildiremin. Turǵyn úı kezeginde on jyl turdyq. Búgin mine, armanymyz oryndalyp, baspanaly bolyp jatyrmyz. Barsha kópbalaly otbasylardyń óz úıleri bolǵanyn qalaımyn», - dedi G.Qonyspaeva.
Al balalar úıiniń túlegi Berik Qaılybaev úshin eki bólmeli páter alatyny jónindegi habar kútpegen jaǵdaı bolǵan. Ol jubaıymen jáne bir jastaǵy ulymen birge shaǵyn otbasylyq jataqhanada turyp kelgen.
«Men óte qýanyshtymyn. Kezekte 10 jyl turdym. Qýanyshymdy sózben jetkizý múmkin emes. Barlyǵyna úlken rahmet!», - dep alǵysyn bildirdi ol.
ShQO ákimi Danıal Ahmetov B. Qaılybaevqa páter kiltimen birge teledıdar syılady. Sondaı-aq, bul syıdy kópbalaly otbasy Saltanat Qaıyrbekova da aldy.
