Semeıde balabaqsha baǵasy qymbattady
SEMEI. QazAqparat - Semeıde ata-analar balabaqshaǵa baratyn ár balasy úshin endi 2 300 teńge artyq tóleıdi. Óıtkeni qalada balabaqsha aqysy 12 500 teńgege qymbattady, dep habarlaıdy QazAqparat.
Semeı qalalyq bilim bólimi mamandarynyń sózine qaraǵanda, baǵany ósirmeýge tyrysqanmen sońǵy ýaqytta azyq-túlik baǵasy qymbattaýy sebep bolǵan.
«Qala ákiminiń №7 sheshimine sáıkes 2017 jylǵy 29 jeltoqsanynan bastap balabaqshalardaǵy tólemaqy ósti. Óıtkeni as máziri boıynsha ár balaǵa ketetin tamaq esepteledi», - deıdi qalalyq bilim bóliminiń ádiskeri Danara Júnisova.
2017 jyly balabaqshalarǵa arnalǵan jańa sanıtarlyq normalar men erejeler qabyldanǵan. Eger aqyny kótermese bul talaptar buzylady. Sondyqtan balalardy tolyqqandy tamaqpen qamtamasyz etýge, erejelerdi buzbaýǵa jol beredi,-deıdi mamandar.
Jańa erejege sáıkes búgingi kúni balalardyń as mázirin ortalyq dırektory ózi ázirleıdi. Buǵan deıin Tutynýshylardyń quqyǵyn qorǵaý basqarmasynyń mamandary júzege asyryp kelgen.
Búginde Semeıde 55 balabaqsha bar. Onyń 15-i memlekettik, qalǵany jeke menshik. Barlyǵy 12 000 myń bala barady.
Aıta keteıik, balabaqsha aqysy sońǵy ret qalada 2015 jyly kótirilgen.
