Semeıde Ázilhan Nurshaıyqov pen Tursynǵazy Rahımov kósheleri paıda boldy
SEMEI. QazAqparat - Semeıdiń eki kóshesine tarıhı tulǵalardyń esimi berildi, dep habarlaıdy QazAqparat.
2018 jyly respýblıkalyq onomastıkalyq komıssııa otyrysynda qaladaǵy Stroıtelnaıa kóshesin ánshi-kompozıtor Tursynǵazy Rahımovtyń jáne Krýpskaıa kóshesin Qazaqstannyń halyq jazýshysy, soǵys ardageri Ázilhan Nurshaıyqovtyń esimine aýystyrý týraly sheshim qabyldandy.
Búgin qos kósheniń saltanatty ashylýy ótti.
«Búgin qalamyzda halyq jazýshysy Ázilhan Nurshaıyqov kóshesi paıda boldy. Ázaǵa óziniń eńbekterimen birneshe býyndy tárbıeledi. Eń tanymal shyǵarmalarynyń biri «Mahabbat qyzyq mol jyldar» romany halqymyzdyń asyl qasıetterin nasıhattap, jastarǵa jarasymdy ómir úlgisin usyndy. Búgingi shara batyr babamyzdy ulyqtaýdyń jarqyn kórinisi. Osy ıgi bastamany qoldap, kóshe ataýyn berýge muryndyq bolǵan janashyr jerlesterge zor rızashylyq bildiremin»,- dedi qala əkimi Ermak Səlimov.
Jalpy qalada 1042 kóshe bar. Sonyń tek 382-si ǵana memlekettik tilde. Respýblıkalyq onomastıkalyq komıssııanyń sheshimimen buǵan deıin Lenın kóshesi - Máńgilik El, Polkovnıchıı araly - Beıbitshilik araly, Internatsıonalnyı kóshesi - Qaıym Muhamedhanov, Dalnıaıa - Zakarııa Belibaev kóshesi bolyp ózgergen bolatyn.
Aıta keteıik 2018 jyly respýblıkalyq onomastıkalyq komıssııa 7 kósheni qazaqtyń aqyn-jazýshylarynyń esimine aýystyrý týraly usynysty qoldady.
Aldaǵy ýaqytta qalǵan bes kóshe atap aıtqanda Komsomolskaıa kóshesi - Jibek joly, Kýtýzov kóshesi - Ardagerler kóshesi, Kolhoznaıa kóshesi - Berel, Sotsıalıstıcheskaıa - Samal, Dekabrıstov - Nursaıa kóshesi bolady.
Sýretter Semeı aqparttyq ortalyǵynan alyndy
