Semeıde aıyppulyn tólemegen júrgizýshilermen kúres júrip jatyr
SEMEI. QazAqparat - Semeıde ákimshilik aıyppuldaryn tóleýge asyqpaıtyn júrgizýshilermen kúres júrip jatyr. Jol polıtsııasy salynǵan aıyppuldardy bıýdjetke óndirý úshin «Aıyppul tóle» aktsııasyn qolǵa aldy, dep habarlaıdy QazAqparat.
Jyl bastalǵaly jol qozǵalys erejesin buzǵan 13 myńnan artyq júrgizýshige hattama toltyrylǵan. Jalpy salynǵan aıyppul mólsheri 69 mln. 809 myń teńge. Biraq búgingi kúnge deıin atalǵan somanyń tek 42 mln. teńgesi óndirilip alynǵan. Semeı qalalyq ІІB ákimshilik tájirıbe bóliminiń bastyǵy Nurjan Qazymovtyń sózinshe, júrgizýshilerdiń tek 30 paıyzy ǵana erikti túrde qaryzdaryn tóleıdi.
«Sharanyń maqsaty - aıyppuldardy qaıtarý. 40 kún ishinde tóleý kerek. Eger olaı istemese biz sot oryndaýshylarmen birge jumystarǵa kóshemiz. Jumys ornyna eńbekaqysynan ustap qalý týraly ótinish beremiz. Al eger jumys istemese is sot oryndaýshylarǵa jóneltiledi. Baza boıynsha málimetter tekseriledi. Munda aıyppuldardy kúshtep tóletý qoldanylady. Eger bar bolsa onyń múlki, kóligine tyıym salynady. ıAǵnı, kólikti esepten shyǵaryp sata almaıdy jáne qaıta rásimdeı almaıdy»,-deıdi Nurjan Qazymov.
Jol saqshylary reıd barysynda aıyppuldaryn birneshe aı tólemegen júrgizýshilerdiń tizimin quryp, kólikterin arnaıy turaqqa qoıdy. Al kólik tek qaryzy tólegennen keıin ǵana qojaıynyna qaıtarylady. Sonymen qatar, tártip saqshylary qaryzynan qutylýǵa asyqpaıtyn júrgizýshilerdiń turǵylyqty meken-jaılaryn aralap, bereshekterin óteý kerektigin eskertýde. Al zań talaptaryn oryndamaǵandardyń ústinen ákimshilik is qozǵalyp, sotqa jóneltiledi.
