Semeıde aıýlar qystyń jyly bolýynan uıqyǵa áli ketpedi
ASTANA. QazAqparat - Bıylǵy qystyń jyly bolýyna baılanysty Semeı qalasyndaǵy bıologııalyq baqta ómir súretin aıýlar uıqyǵa ketpeı, oıaý júr.
Tordyń ishindegi Zıta men Grısha atty qos aıý kúni boıy ortalyqqa kelýshilerge kóterińki kóńil-kúı syılap, óz ónerin kórsetedi. Ásirese, Zıta belsendi. Ol kelgen qonaqtar tátti bermeıinshe artqy aıaǵyn tómen túsirmeıdi. Jyrtqysh janýarlar negizinen kókónispen qorektenedi.
Zoobaq mamandary óńirde áli de kún sýytyp, aıýlar qalyń uıqyǵa ketedi dep úmittenedi.
«Negizi qońyr aıýlardyń ıis sezý múshesi qatty damyǵan. Sondyqtan olardyń tamaqtaný tártibi boıynsha biz olarǵa saǵat tórtte tamaq beremiz. Sol kezde olar shyǵyp tamaqtaryn jeıdi», - deıdi bıologııalyq baq qyzmetkeri Saıa Tóleýbek.
Derekkóz: «Habar 24» arnasy.
