Semeıde áıel óz balasyn besinshi qabattan laqtyryp jiberdi
ASTANA. QazAqparat - Semeıde áıel adam 3 jasar balasyn besinshi qabattan laqtyryp jiberdi, dep habarlaıdy «Habar24» telearnasy.
Jedel medıtsınalyq járdem stansasyndaǵylar keshe kúndizgi saǵat 12-00-der shamasynda qalanyń sol jaq jaǵalaý bóliginde 5-qabattyń terezesinen 3 jasar balanyń qulaǵany týraly habar kelgenin aıtady. Jábirlenýshi balaǵa jetip barý qıynǵa soqqan. Bala birinshi qabatqa kireberistiń erneýinen túsken.
«Balanyń aıaǵy sanynan synǵan, kóptegen jaraqattarmen aýrýhanaǵa jetkizilgen. Ol kezde balanyń jaǵdaıy aýyr edi», - dedi jedel medıtsınalyq kómek stansasyndaǵylar.
Kórshileri men kýágerler dárigerlerge balany terezeden óz anasy laqtyrǵanyn aıtqan. Qazir 36 jastaǵy áıel ózi esepte turatyn psıhıkalyq densaýlyq ortalyǵyna jetkizilgen.
Eske sala keteıik, qyrkúıektiń basynda Semeıde kópqabatty úılerdiń terezesinen eki bala qulap ketken.
