Semeıde áıel men er adam mashınada ys tıip ýlandy
ÓSKEMEN. QazAqparat - Semeıde 35 jastaǵy áıel men 27 jastaǵy jigit kólik otalyp turǵanda bólinetin gaz ıisinen ýlanýdyń saldarynan qaza bolǵan, dep habarlaıdy «QazAqparat» HAA tilshisi.
Qaıǵyly oqıǵa 2018 jyldyń 7 qańtarynda keshkisin garaj kooperatıvi aýmaǵynda bolǵan. Qaza tapqandar garajda turǵan kólik ishinde bolǵan. Olar tońyp qalmas úshin avtomobıldi otaldyryp qoıǵan.
«Olardyń denesin kúzetshi keshkisin tekserý kezinde garajdan tapqan. Kúzetshi qaqpada qulyp bolmaǵandyǵynan sekemdengen», - dep habarlady TJ ókilderi.
Aldyn ala derek boıynsha, olar gaz ıisinen qatty ýlanyp, qaza tapqan. Denelerinen zorlyq-zombylyq izi baıqalmaǵan. Qazirgi tańda qadaǵalaý organdary sot-medıtsınalyq saraptama taǵaıyndap, oqıǵanyń mán-jaıyn anyqtap jatyr.
