Semeıde aıazda úsip qala jazdaǵan 20-dan astam adam qutqaryldy
SEMEI. QazAqparat – Semeı qalasynyń polıtsııa qyzmetkerleri aıazda úsip qala jazdaǵan 20-dan astam adamdy qutqardy, dep habarlaıdy QazAqparat tilshisi.
Qalalyq polıtsııa basqarmasy baspasóz qyzmetiniń málimetine súıensek, keshe 30 gradýs aıazda kóshede qalǵan 21 adam Ýaqytsha beıimdeý jáne detoksıkatsııa ortalyǵyna jetkizildi. Mas kúıde bolǵan olardyń densaýlyǵy men ómirine qaýip tóngen.
Osy oraıda, polıtseıler qala turǵyndaryna ótinish jasap otyr.
«Eger siz kóshede mas kúıde jalǵyz jatqan adamdy, qasynda eresek eshkim joq balany nemese kómekke muqtaj qarttardy baıqasańyz «103», «112», «102» nómirleriniń birine qońyraý shalyńyz. Biz dereý olarǵa kómek kórsetemiz», - dep habarlady vedomstvo ókilderi.
