Semeıde avtojýýdaǵy órtten zardap shekkenderdiń biri jansaqtaý bóliminde jatyr
SEMEI. KAZINFORM - Semeı qalasyndaǵy avtojýý beketindegi órt pen jarylys saldarynan zardap shekken eki adamnyń jaǵdaıy belgili boldy.
Eske sala keteıik, 23 qyrkúıekte Semeıdegi avtojýýda gazgolder jarylyp, órt jaqyn mańdaǵy turǵyn úılerge taraǵan bolatyn.
Oqıǵa saldarynan eki adam kúıik jaraqatyn alǵan. Ekeýi de aýrýhanaǵa jetkizildi. Olardyń biri jansaqtaý bólimine jatqyzylǵan.
Abaı oblystyq densaýlyq saqtaý basqarmasynyń málimetinshe, zardap shekkender oqıǵadan keıin birden medıtsınalyq uıymdarǵa jetkizilgen. Olarǵa qajetti kómek kórsetildi.
— Zardap shekkenderdiń biri jansaqtaý bóliminde jatyr. Jaǵdaıy turaqty aýyr dep baǵalanyp otyr. Ekinshi patsıent hırýrgııa bóliminde em qabyldaýda, jaǵdaıy ortasha aýyr. Ekeýine de qajetti em júrgizilip, medıtsınalyq mamandardyń turaqty baqylaýynda, - delingen aqparatta.
Dárigerler patsıentterdiń jaǵdaıyn baqylaýdy jalǵastyryp, qajetti medıtsınalyq kómekti kórsetip jatyr.
Eske salsaq, buǵan deıin Jezqazǵan mańyndaǵy shahtada órt shyqqandyǵy týraly jazǵan bolatynbyz.
