Semeıde avtojýýdaǵy órtten zardap shekkenderdiń biri aýrýhanadan shyǵaryldy
SEMEI. KAZINFORM — Semeı qalasyndaǵy avtojýý beketindegi órt pen jarylys saldarynan zardap shekken eki adamnyń biri aýrýhanadan shyǵaryldy. Ekinshi naýqas áli jansaqtaý bóliminde em qabyldap jatyr.
Abaı oblystyq densaýlyq saqtaý basqarmasy baspasóz qyzmetiniń málimetinshe, naýqastardyń biri ary qaraı statsıonarlyq em alýdan bas tartyp, ambýlatorııalyq baqylaýǵa jiberilgen.
Al ekinshi patsıent áli de jansaqtaý jáne qarqyndy terapııa bóliminde jatyr. Dárigerlerdiń aıtýynsha, onyń jaǵdaıynda keri dınamıka baıqalmaıdy.
— Naýqastyń jaǵdaıy turaqty, nasharlaý baıqalmaıdy. Ol esin biledi, qajetti medıtsınalyq kómektiń barlyǵyn tolyq kólemde alyp jatyr. Patsıent mamandardyń turaqty baqylaýynda, — delingen habarlamada.
Eske salsaq, osyǵan deıin Semeıde avtojýýdaǵy órtten zardap shekkenderdiń biri jansaqtaý bóliminde jatqany habarlanǵan.
