Semeıde avtojýý beketindegi órt saldarynan eki adamdy kúıik shaldy
ASTANA. KAZINFORM — Semeı qalasy Sosnovaıa kóshesinde gaz-aýa qospasy tutanyp, keıin gaz tasymaldaǵysh kólik jarylǵan, dep habarlaıdy TJM baspasóz qyzmeti.
Vedomstvo málimetinshe, órt bir qabatty avtojýý ǵımaratyna jáne eki jeke turǵyn úıge taraǵan. Oqıǵa saldarynan eki adam kúıik jaraqattarymen aýrýhanaǵa jetkizildi.
— Órtti sóndirýge TJM, PD, jedel medıtsınalyq járdem qyzmeti «Zelenostroı» JShS-niń kúshteri men quraldary jumyldyryldy. Barlyǵy 90-ǵa jýyq adam jáne 30 tehnıka jumyldyryldy. Órt tolyǵymen sóndirildi. Órttiń shyǵý sebebi anyqtalyp jatyr, — delingen habarlamada.
Budan buryn Semeıde avtojýý beketi órtenip, gazgolder jarylǵanyn jazǵanbyz.
