Semeıde avtobýs júrgizýshisine qol kótergen adam ustaldy
ASTANA.KAZINFORM - Semeıde polıtsııa qoǵamdyq kólikte buzaqylyq jasaǵan azamatty ustady.
ІІM baspasóz qyzmetiniń málimetinshe, qoǵamdyq kólik júrgizýshisine qozǵalys kezinde qol kótergen 45 jastaǵy azamat anyqtalyp, ýchaskelik polıtsııa pýnktine jetkizildi.
Buzaqyny jetkizý sáti beınejazbaǵa túsirilgen. Ol agressıvti minez-qulyq tanytyp, jolaýshylardyń ómirine qaýip tóndirgen.
Atalǵan fakt boıynsha is qozǵaldy. Materıaldar sotqa joldanady.
Polıtsııa kez kelgen quqyq buzýshylyq úshin jaýapkershilik qarastyrylǵanyn eske salady.
Aıta keteıik, Almatyda 1656 avtobýs júrgizýshisiniń quqyǵy qorǵaldy.
