Semeıde avtobýs júrgizýshisi esirtkimen ustaldy
SEMEI. QazAqparat - Semeı qalalyq ІІB Esirtki bıznesimen kúres basqarmasynyń qyzmetkerleri 51 jastaǵy avtobýs júrgizýshisinen marıhýana esirtki zatyn taýyp aldy, dep habarlaıdy QazAqparat qalalyq ІІB-nyń baspasóz qyzmetine silteme jasap.
«17 aqpan kúni Esirtki bıznesimen kúres basqarmasynyń qyzmetkerleri esirtki saýdasynyń aldyn alý maqsatynda tekserý júrgizedi. Nátıjesinde «Jansaıa» aıaldamasynda «Shaýlın» markaly avtobýs júrgizýshisinen salmaǵy 18 gramm bolatyn marıhýana tárkilendi. Al turǵylyqty mekenjaıyn tintý kezinde taǵy 2,50 gramm esirtki zaty alyndy», -delingen habarlamada.
51 jastaǵy avtobýs júrgizýshisi buryn da zańsyz esirtki saýdasymen aınalysqany úshin jaýapqa tartylǵan. Qazir atalǵan fakt boıynsha QR Qylmystyq kodeksiniń 297-baby, 1-tarmaǵy, 296-baptyń 1-tarmaǵy boıynsha is qozǵaldy.
Aıta keteıik, 2018 jyldyń tek birinshi jartysynda Semeıde zańsyz esirtki bıznesine qatysty 70-ten astam qylmystyq quqyq buzýshylyq anyqtalǵan. Nátıjesinde zańsyz aınalymnan 58 kg túrli esirtki zattary alyndy.
