Semeıde avtobýs jolaýshysy tekserýshiniń aıaǵyn baltamen jaraqattady
SEMEI. QazAqparat – Semeıde avtobýs jolaýshylarynyń biri jol júrý aqysyn tólemeı, oǵan aıyppul salmaqshy bolǵan tekserýshige shabýyl jasaǵan. Bul týraly QazAqparat tilshisi qalalyq aqparat ortalyǵyna silteme jasap habarlaıdy.
Semeıde jolaýshylardyń jol aqysyn tekseretin ýchaskelik polıtsııa men tekserýshilerden quralǵan mobıldi top jumys isteıdi.
Vedomstvodan habarlaǵandaı, jol aqysyn tólemegenderge 2 AEK nemese 5650 teńge aıyppul salynady. Sońǵy eki kúnde júzge jýyq bıletsiz jolaýshy ákimshilik jaýapqa tartyldy. Statıstıkaǵa sáıkes, jol aqysyn negizinen zeınetkerlikke shyǵýǵa jaqyn qalǵan adamdar men QR-kod qoldanatyn jastar tólemeıdi. Olar avtobýsqa otyrǵan soń jol aqysyn tóleıdi, eger tekserýshi ony teksermese ótinishin keri qaıtaryp, avtobýs salonynan túsip qalady. Jol aqysyn tólemeıtin zeınetkerler de bar.
Sondaı-aq, bıletsizder qatarynda janjal shyǵarýshylar da kezdesedi. Tańerteń avtobýs jolaýshylarynyń biri jol júrý aqysyn tólemeı, oǵan aıyppul salmaqshy bolǵan tekserýshige shabýyl jasaǵan. Jolaýshy baqylaýshynyń aıaǵyn baltamen jaraqattaǵan. Onyń jarasyn tigýge týra kelgen. Jolaýshy ustalyp, qazir ishki ister organdarynda, tekserý júrip jatyr.
