Semeıde avtobýs jaıaý júrginshini qaǵyp ketti
SEMEI. QazAqparat – Semeı qalasynda qoǵamdyq kólik jaıaý júrginshini qaǵyp ketti, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, avtobýs joldan ótip bara jatqan er adamdy qaǵyp ketti. Oqıǵa 6 sáýir kúni Qaıym Muqamedhanov kóshesinde bolǵan.
«Belgili bolǵandaı, jaıaý júrginshi joldy ruqsat etilmegen jerden kesip ótpek boldy. Sol kezde qoǵamdyq kólik júrgizýshisi abaısyzda ony qaǵyp ketken. Oqıǵa ornyna birden polıtsııa qyzmetkerleri kelip jetti. Jaıaý júrginshi aman-esen», - dep habarlady vedomstvo ókilderi.
Jol-kólik oqıǵasyna jaıaý júrginshilerdiń jol júrisi erejesin buzǵan 23 jastaǵy jigit kináli dep tanyldy. Shahar turǵyny ákimshilik jaýapqa tartylǵan.
