Semeıde avtobýs pen júk kóligi soqtyǵysyp, 11 adam zardap shekti
SEMEI. QazAqparat – Semeı qalasynda avtobýs pen júk kóligi soqtyǵysyp, 11 adam zardap shekti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 12 naýryz kúni saǵat 8:45-te Glınka kóshesinde bolǵan.
«Qoǵamdyq kóliktiń 51 jastaǵy júrgizýshisi Tsement zaýyty tusynan qalaǵa qaraı kele jatqanda 44 jastaǵy er adam tizgindegen KamAZ-ben soqtyǵysty. Jol apaty saldarynan avtobýstaǵy ártúrli dene jaraqattaryn alǵan 11 jolaýshy dárigerlerdiń kómegine júgingen», - dep habarlady vedomstvo ókilderi.
Qazirgi ýaqytta atalǵan fakti boıynsha sot-medıtsınalyq saraptamalar taǵaıyndaldy. Sonyń nátıjelerine sáıkes protsessýaldyq sheshim qabyldanady.
