Semeıde avtobýs pen manıpýlıator soqtyǵysty
SEMEI. KAZINFORM — Semeıde avtobýs pen manıpýlıator soqtyǵysyp, úsh adam zardap shekti.
Abaı oblystyq polıtsııa departamentiniń habarlaýynsha, Abaı-Shákárim kósheleriniń qıylysynda manıpýlıator baǵdarshamnyń jasyl belgisine ótip bara jatyp, bortynan shyǵyp ketken kranmen jolaýshylar avtobýsyna soqqan. Avtobýstyń ishinde 20 shaqty adam bolǵan.
Jol apaty saldarynan avtobýs júrgizýshisi men eki jolaýshy zardap shekti. Olar aýrýhanaǵa jetkizilip, medıtsınalyq tekserýden keıin úılerine qaıtaryldy.
— Júk kóliginiń júrgizýshisi jol qozǵalysy erejelerin buzǵany úshin ákimshilik jaýapkershilikke tartyldy. Jábirlenýshiniń densaýlyǵyna jeńil zııan keltirgeni úshin ákimshilik hattama toltyryldy. Onyń kóligi arnaıy turaqqa jetkizildi, — dep habarlady Abaı oblystyq polıtsııa departamentiniń baspasóz qyzmeti.
Polıtseılerdiń aıtýynsha, oqıǵa ornyndaǵy jumys barysynda patrýldik polıtsııa brıgadalary kólik keptelisteriniń paıda bolýyna jol bermeı, qozǵalysty baqylaýdy qamtamasyz etken.
Aıta keteıik, jyl basynan beri alty aıda elimizde 15 698 jol-kólik apaty bolǵan.