Semeıde avtobýs pen KamAZ soqtyǵysyp, 22 adam zardap shekti
ASTANA. Shildeniń 10-y. QazAqparat - Semeıde avtobýs pen KamAZ soqtyǵysyp, jol-kólik oqıǵasynyń saldarynan 22 adam zardap shegip, bir adam qaza tapty, dep habarlady QR Tótenshe jaǵdaılar mınıstrliginiń baspasóz qyzmetinen.
Іri jol-kólik oqıǵasy Omby-Maıqapshaǵan avtojolynyń 543-shi shaqyrymynda, qaladan 30 shaqyrym jerde juma kúni keshki saǵat 6-da oryn alǵan.
Apat kezinde «Semeı-Barlyq-Arasan» baǵytynda ketip bara jatqan «Volvo» qalaaralyq avtobýsynyń salonynda 62 adam bolǵan.
Avtobýs jolaýshysy 55 jastaǵy azamat apat saldarynan oqıǵa ornynda kóz jumǵan. Sondaı-aq 16 adam aýrýhanaǵa jetkizilgen, olardyń arasynda balalar da bar.
TJM-niń atap ótýinshe, taǵy 6 adamǵa alǵashqy medıtsınalyq kómek kórsetilip, úılerine jiberilgen.
