Semeıde aýtızmge shaldyqqan 7 bala mektep tabaldyryǵyn attaıdy
SEMEI. QazAqparat - Semeıde aýtızmge shaldyqqan balalarǵa arnalǵan psıxologııalyq-pedagogıkalyq túzetý kabınetteri áli kúnge deıin tapshy. Al 2015 jyly ashylǵan «Jarqyn bolashaq» ońaltý ortalyǵy búginde óz nátıjesin berýde. Bıylǵy oqý jylynda aýtızmge shaldyqqan 7 bala mektep tabaldyryǵyn attaıdy, dep habarlaıdy QazAqparat.
Búgingi kúni ortalyqta erekshe kútimdi qajet etetin 40 bala bar. Olar 3-ten 7 jasqa deıingi búldirshinder. 2015 jyldyń qyrkúıeginde ashylǵan atalmysh ońaltý ortalyǵy aýtızmdyq spektordyń buzylýy, psıhıkalyq jáne tildik keshigýi bar balalarmen jumys jasaıdy. Logoped, psıholog, áleýmettik qyzmetkerler kelgen balanyń minez-qulyqyna baılanysty ártúrli ádiske negizdelgen ońaltý jumystaryn arnaıy kestege sáıkes júrgizedi. Osynyń nátıjesinde balalardy áleýmettik ortaǵa beıimdeıdi. Bıyl ortalyqta tárbıelengen 7 bala mektep tabaldyryǵyn attamaqshy.
«Ortalyqqa kelgende sóıleı almaıtyn balalar boldy. Biraq qazir balalarymyzdyń barlyǵy sóıleı alady. Psıhologtar men logopetter tildi damytýda úlken jumystar atqarady. Osy jyly 7 balamyz №4 mekteptiń 1 synybyna barady. Ol balalar jańa ortaǵa úırengeninshe tárbıeshiniń baqylaýynda bolady. Balalarymyzdyń osyndaı jetistikteri biz úshin jeńis» - dedi «Jarqyn bolashaq» ortalyǵynyń dırektory Araılym Álimjanova.
