Semeıde aty-jóni belgisiz er adamnyń máıiti tabyldy
SEMEI. QazAqparat - Semeıde tapa-tal túste temir jol boıynan er adamnyń máıiti tabyldy, dep habarlaıdy «QazAqparat» HAA tilshisi.
Marqumnyń denesi Dalnyı kóshesiniń mańynan tabyldy. Polıtsııaǵa habar bergen kýágerler ony poıyz qaǵyp ketti dep oılaǵan, alaıda tekseris barysynda onyń denesinen eshqandaı soqqy jaraqattarynyń belgileri anyqtalǵan joq.
«Máıittiń túr-álpeti azııalyq, onyń boıynan eshqandaı jaraqat izderi baıqalǵan joq. Onyń turaqty meken jaıy da joq bolyp shyqty. 36 jastaǵy azamat araqtan ýlanyp ólýi múmkin», - deıdi Semeı qalalyq ІІB baspasóz qyzmetiniń jetekshisi Elýbek Ospanov.
Foto: www.setwalls.ru
