Semeıde asyl tuqymdy maldardy syrǵalaýdyń ádisteri usynyldy
Asyl tuqymdy mal basyna sanaq júrgizý úshin, tólderge belgi salý mańyzdy. Sondyqtan eskiden kele jatqan syrǵalaýdan bas tartý qajet. Bul týraly qazaqtyń aqbas tuqymynyń respýblıkalyq palatasynyń ókilderi uıymdastyrǵan oqý-tájirıbelik semınar barysynda aıtyldy,
Basqosýǵa oblystyń birqatar aýdandary men Pavlodar óńirinen kelgen qojalyq ókilderi qatysty. Mamandar qazir asyl tuqymdy maldarǵa belgi salýdyń 3 túrin usynyp otyr. Olar iri qaranyń oń jaq qulaǵyna tatý salý, chıp ornatý nemese suıyq azotpen tańba basý. Qazaqtyń aqbas tuqymynyń respýblıkalyq palatasynyń ShQO boıynsha ókili Qanat Sanııazovtyń aıtýynsha jumystar aýqymdy bolǵanymen sapaly, ári tıimdi.
«Ár sharýashylyq basshysynyń óz quqyǵy bar, qaısysyna tańdaý jasaıdy. Biraq biz osyǵan kelýimiz qajet. Sebebi, asyl tuqymdy maldy esepke alyp, týǵannan bastap, ólgenge deıin onyń gıneologııasyn bilip otyrý kerekpiz», - deıdi Qanat Sanııazov.
Palata ókilderiniń sózine qaraǵanda, qazir qazaqtyń aqbas iri qarasynyń sanyn arttyrý boıynsha júıeli jumystar qolǵa alynǵan. 2011 jyly elimizde olardyń sany nebári 76 myń bolsa, qazir 200 myńnan asady. Al ShQO boıynsha 12 myńnan astam asyl tuqymdy mal tirkelgen.
Aıta keterligi, qazir elimiz boıynsha 274 sharýa qojalyq osy palata músheligine tirkelgen. Onyń 74-i Shyǵys Qazaqstanda ornalasqan.
Foto: kazakh-zerno.kz
