Semeıde aspaly kópirdiń astynda demalys orny paıda boldy

SEMEI. QazAqparat – Semeı qalasynda aspaly kópirdiń astynda jańa demalys orny ashyldy, dep habarlaıdy QazAqparat tilshisi.

Abaı oblysy ákimdiginiń málimetine súıensek, Semeıde jańa qoǵamdyq demalys orny paıda boldy. Aspaly kópir astynda ashylǵan demalys ornynda skeıt park, parkýr jáne vorkaýt alańdary bar.

Kópirasty alańy birneshe bólikke bólingen. Strıtbolǵa arnalǵan sporttyq aımaq, fıtnes aımaq jáne balalar oıyn alańy. Alańnyń jalpy aýdany – 3500 sharshy metr. Ertis jaǵalaýyna jaqyn mańda dámhana pavılondary jumys isteıdi.

«Barlyq jumystar demeýshilerdiń qarajatyna júrgizildi. Kópirasty aýmaqtyń artyqshylyǵy – kez kelgen aýa-raıynda qolaıly. Jańbyrdan nemese kún sáýlesinen jasyrynyp, qalaǵan ýaqytta sportpen aınalysyp, demalýǵa bolady», - delingen aqparatta.

Jalpy qala boıynsha bıyl 12 jańa qoǵamdyq oryn jasalatyn bolady.