Semeıde aspaly kópirden er adam sekirip ketti
SEMEI. QazAqparat - Semeıdegi aspaly kópirden Ertis ózenine sekirip ketken er adam izdestirilip jatyr, dep habarlaıdy QazAqparat.
Oqıǵa búgin tańerteń boldy. Qalalyq Tótenshe jaǵdaılar basqarmasy men sýdan qutqarý qyzmetine kýágerlerden saǵat 9.30-da er adamnyń aspaly kópirden sekirgeni jaıynda habar kelip túsken. Qazir onyń denesin sýdan qutqarý qyzmetiniń 4 súńgýiri zdestirýde. Ázirge azamattyń aty-jóni belgisiz.
«Sekirgenin kórgen adamdar habarlady. Qazir izdeý jumystary júrgizilip jatyr. Ol sekirdi me, álde joq pa naqty belgisiz. Keshke deıin týǵan-týysqandarynan bir habar kelip túsetin shyǵar. Biraq biz izdeýdi bastap kettik. Zań boıynsha 3 kún izdeý jumystaryn júrgizemiz», - dedi Semeı qalalyq sýdan qutqarý qyzmetiniń bastyǵy Qýanyshbek Baıtýǵanov.
